~ संजय राठोड

यवतमाळ : राज्यात कोणीही उपाशी राहू नये गोरगरीब तसेच गरजूंना अल्पदरात भोजन उपलब्ध व्हावे या उद्देशाने राज्य शासनाने शिवभोजन (Shivbhojan) योजना सुरू केली. पण, काही शिवभोजन केंद्र चालकांकडून या उद्देशाला काळीमा फासण्याचे काम होत असल्याचा गलिच्छ प्रकार यवतमाळमधील (Yavatmal) महागाव (Mahagaon) येथे नुकताच उघडकीस आला आहे. (Yavatmal : Disgusting thing at mahagaon Shivbhojan Kendra, utensils were being washed in the toilet)

हे देखील पहा :

महागाव येथे एका शिवभोजन थाळी केंद्रावरील अस्वच्छता आणि व्यवस्थापनामध्ये त्रुटी समोर आल्या आहेत. या शिवभोजन केंद्रावर जेवणाची भांडी चक्क शौचालयांमध्ये धुतली जात असल्याचा प्रकार समोर आल्यानंतर तीव्र रोष व्यक्त केला जात आहे. शौचालयात धुतलेल्या थाळीत पुन्हा भोजन दिले जात आहे. अशा शिवभोजन चालकाकडून गोर गरिबांची थट्टा केली जात असून त्यांच्या आरोग्याशी खेळले जात आहे. त्यामुळे जिल्ह्यातील सर्व शिवभोजन केंद्राची जिल्हास्तरीय पथक नेमून तात्काळ चौकशी करण्याची मागणी प्रहार जनशक्ती पक्षाने केली आहे.

Edited By : Krushnarav Sathe