Dhule News: गॅस दरवाढीचा निषेध करण्यासाठी धुळ्यात युवासेनेच्यावतीने भर रस्त्यात चूल मांडून अनोख्या पद्धतीने (Dhule News) आंदोलन केले. तसेच यावेळी राज्य सरकारचा निषेध देखील युवासेनेच्‍यावतीने करण्यात आला आहे. (Breaking Marathi News)

गेल्या काही महिन्यांपासून सातत्याने गॅसच्या दरामध्ये वाढ होत आहे. आता देखील ५० रुपयांनी गॅस महागला आहे. या कारणाने राज्य सरकारचा निषेध करण्यासाठी युवा सेनेच्यावतीने चूल मांडून व राज्य सरकारच्या विरोधामध्ये घोषणाबाजी करून निषेध करण्यात आला आहे.

सरकारकडून महिलांची फसवणूक

मोदी सरकारने महिलांची मोठ्या प्रमाणात फसवणूक केली असल्याचा आरोप यावेळी आंदोलनकर्त्या महिला पदाधिकाऱ्यांनी लावला आहे. तसेच गॅसच्या दरवाढीमुळे महिलांच घरातील बजेट कोलमडल असून याला सर्वस्वी केंद्र सरकार व राज्य सरकार जबाबदार असल्याचा घाणाघाती आरोप यावेळी निषेधकर्त्यांनी लावला आहे.