धुळे : शिंदखेडा तालुक्यातील झोतवाडे येथील शेतकरी गुलाब बंडु सदाराव यांच्या शेतातील विहीरीत साधारण ८ फुटाचा अजगर आढळून आल्याची घटना घडली आहे. सर्पमित्राने अजगराला जिवंत बाहेर काढले. (dhule-news-Two-big-dragons-found-in-the-same-well)

झोतवाडे येथील गुलाब सदाराव यांच्‍या शेतात असलेल्‍या विहिरीत दहा दिवसांपूर्वी साडेसहा फुटाचा अजगर आढळुन आला होता. त्याला देखील सर्पमित्रांच्या मदतीने शिताफीने पकडण्यात आले होते. आज पुन्हा त्‍याच विहिरीत अजगर आढळून आला. या अजगरास देखील विहिरीतून बाहेर काढण्यात सर्पमित्रांना यश आले असून जवळपास दहा दिवसांमध्ये एकाच विहिरीतून दोन भल्यामोठ्या अजगरांना सर्पमित्रांना जीवनदान दिले आहे. परिसरातील नागरिकांनी सर्प मित्रांचे आभार मानले असून एकाच विहिरीमध्ये दहा दिवसांमध्ये दोन भले मोठे अजगर आढळल्याने मात्र परिसरामध्ये एकच खळबळ उडाली आहे.