धुळे : नियमांचे उल्लंघन करत दुचाकीला फटाके फोडणारे सायलेन्‍सर जप्‍त करण्यात आले होते. तसेच फॅन्‍सी नंबर प्‍लेटवर देखील कारवाई केली होती. या जप्‍त केलेल्‍या सायलेन्सर वाहतुक पोलिसांकडून बुलडोजर फिरवत नष्ट करण्यात आले. (dhule-news-traffic-police-action-and-two-wheeler-silencer-scap-in-roler)

धुळे शहरामध्ये वाहतूक विभागातर्फे गेल्या काही दिवसांपासून सातत्याने कर्णकर्कश आवाज करणाऱ्या बुलेटच्या सायलेन्सर त्याचबरोबर फटाक्याचा आवाज करणारे सायलेन्सर तसेच फॅन्सी नंबर प्लेट व कर्णकर्कश्य आवाज करणारे हॉर्न विरोधामध्ये कारवाईचा बडगा उगारण्यात आला होता. कारवाई दरम्यान जप्त करण्यात आलेल्या सायलेन्सर हॉर्न व फॅन्सी नंबर प्लेट यांना बुलडोजरच्या सहाय्याने नाश करण्यात आला आहे.

तीस सायलेन्‍सर व हॉर्न, नंबर प्‍लेट

तब्बल 30 हून अधिक सायलेन्सर बुलडोजर खाली नष्ट करण्यात आले आहेत. तसेच फॅन्सी नंबरप्लेट व कर्णकर्कश आवाज करणारे हॉर्न देखील बुलडोजर खाली नष्ट करण्यात आला आहे. यापुढे देखील अशा पद्धतीने आवाज करणाऱ्या वाहनांवर कारवाई करण्यात येणार असल्याचे वाहतूक शाखेच्या सहाय्यक पोलीस निरीक्षक संगीता राऊत यांनी स्पष्ट केले आहे.