धुळे : धुळ्यात तापमानाचा (Temperature) निच्‍चांक दरवर्षी नोंदविला जातो. यंदा मागील दोन महिन्‍यांपासून तापमान फारसे खाली गेले नव्‍हते. मागील महिन्‍यात केवळ एकदा तापमान ८ अंश सेल्‍सीअस इतके खाली गेले होते. मात्र दोन दिवसांपासून गारठा वाढला असून धुळ्यात (Dhule) यंदाचे निच्‍चांकी तापमानाची नोंद झाली आहे. (dhule-news-this-year-first-time-low-temperature-recorded-in-dhule)

धुळ्यात आज ७ अंश सेल्सिअस इतक्या निच्‍चांकी तापमानाची नोंद करण्यात आली आहे. या वर्षातील सर्वात नीचांकी तापमान आहे. यापूर्वी काही दिवसांपूर्वी 8.5 अंश सेल्सिअसपर्यंत नीचांकी तापमानाची नोंद करण्यात आली आहे. परंतु आज 7 अंश सेल्सिअसपर्यंत तापमानाचा पारा घसरल्यामुळे धुळेकरांना चांगलीच हुडहुडी भरली आहे.

प्रचंड गारठा वाढला

तापमानाचा पारा घसरल्यामुळे वातावरणामध्ये प्रचंड गारवा निर्माण झाला आहे. हाडं गोठवणार्‍या थंडीपासून बचाव करण्यासाठी धुळेकरांना शेकोटी व गरम कपड्यांचा आधार घ्यावा लागत आहे. दिवसा देखील गारठा जाणवत असल्‍याने अंगात उबदार कपड परिधान केलेले आहेत.