धुळे : साक्री शहरात गेल्या काही दिवसांपासून चड्डी बनियान गँगची चांगलीच दहशत बघावयास मिळत आहे. आज रात्री देखील चोरट्यांनी गजबजलेल्‍या भागातील (Dhule News) किराणा दुकानातून रोकडसह साहित्‍य चोरून नेले. (Dhule News Shop Theft)

साक्री (Sakri) शहरातील गजबजलेल्या ठिकाणी असलेल्या काकाजी प्रोव्हिजन या किराणा दुकानातून रोकडसह काजू, बदाम त्याचबरोबर इतर सामान (Theft) चोरी करून चोरट्यांनी पोबारा केल्याची घटना उघडकीस आली आहे. ही सर्व चोरीची घटना दुकानात लावलेल्या सीसीटीव्ही (CCTV) कॅमेरामध्ये कैद झाली असून यामध्ये चोरट्याच्या हालचाली स्पष्टपणे दिसून येत आहेत. घटनेची माहिती उघडकीस येताच साक्री (Police) पोलीस ठाण्यात या संदर्भात माहिती देण्यात आली.

सीसीटीव्‍ही फुटेज केले हस्‍तगत

पोलिसांनी तात्काळ चोरी झालेल्या ठिकाणी पोहोचून डॉगस्कॉड त्याचबरोबर फिंगरप्रिंट एक्सपर्ट यांच्या मदतीने चोरट्यांचा तपास सुरू केला असून दुकानात लावलेल्या सीसीटीव्ही कॅमेरामधील फुटेजच्या आधारे देखील आता साक्री पोलीस चोरट्यांचा शोध घेत आहेत.