धुळे : साक्री तालुक्यातील आदिवासी भागातील पवारपाडा धोंगडे दिगर येथील जिल्हा परिषद शाळेच्या शिक्षकांचा (Dhule) मनमानी कारभार परिसरातील सामाजिक कार्यकर्त्यांनी उघडकीस आणला. जिल्हा परिषदेच्या शाळेतील (Teacher) शिक्षक विद्यार्थ्यांना रामभरोसे सोडून मद्यधुंद अवस्थेमध्ये शाळेत आढळून आले आहेत. (Maharashtra News)

साक्री (Sakri) तालुक्यातील पवारपाडा धोंगडे दिगर येथील जिल्हा परिषद शाळेत (Zp School) दोन शिक्षक असून दोघांपैकी दररोज एक शिक्षक अलटून पलटून विनाकारण सुट्टीवर असतो. जे शिक्षक शाळेमध्ये उपस्थित असतात, ते दिवसभर विद्यार्थ्यांना रामभरोसे सोडून देतात व स्वतः मध्य प्राशन करून येत असल्याची तक्रार पालकांची होती. आदिवासी संघटनांच्या सामाजिक कार्यकर्त्यांनी संबंधित शाळेत अचानक जाऊन पाहणी केली असता त्यादरम्यान हा सर्व धक्कादायक प्रकार उघडकीस आला आहे.  

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

शाळेमध्ये उपस्थित असलेले शिक्षक हे मद्यधुंद अवस्थेमध्ये असल्याचे आढळून आले आहे. तर शाळेत एकही विद्यार्थी बाकावर बसलेला आढळून आला नाही. त्यामुळे आता या कामचुकार व मद्यप्राशन करणाऱ्या शिक्षकांवर शिक्षण विभाग कारवाई करणार का? व शेजारच्याच जिल्ह्यातील आदिवासी विकास मंत्री या प्रकरणाला गांभीर्याने घेणार का? हे बघणं औचित्याच ठरणार आहे.