धुळे : धुळे तालुक्यातील नेर गावाजवळून गेलेल्या सुरत– नागपूर महामार्गावर गॅसचा टँकर लिकेज झाला. सुदैवाने वेळेतच लिकेज बंद करण्याचे काम सुरू आहे. (dhule-news-surat-nagpur-highway-gas-tanker-leakage)

सुरत– नागपूर महामार्गावरून गॅसने भरलेला टँकर जात असताना नेर गावाजवळ टँकरला अचानक गळती लागली. यामुळे टँकरमधून गॅस लिकेज होवू लागला. परिसरात गॅसचा प्रचंड वास पसरल्‍याने अनेकांच्‍या काळजाचा ठोका चुकला होता. गावातील नागरीकांची देखील धावपळ सुरू झाली होती. त्या संदर्भातील माहिती अग्निशमन विभागाच्या पथकाला मिळताच अग्निशमन विभागाचे पथक घटनास्थळी दाखल झाले आहे.

वाहतूक थांबविली

गॅस टँकर लिकेजमुळे मोठा अनर्थ टाळण्यसाठी सुरत नागपूर महामार्गावरील वाहतूक थांबविण्यात आली होती. यामुळे मोठ्या प्रमाणात वाहतूक देखील या मार्गावर खोळंबली आहे.

गळती लागलीच थांबविण्याचे काम सुरू

गॅस टँकर लिकेज झाल्यामुळे परिसरामध्ये भीतीचे वातावरण देखील पसरले होते. त्याचबरोबर टँकरमधून होत असलेली गॅस गळती रोखण्यासाठी पथकातर्फे प्रयत्न सुरू आहेत. या घटनेच्या संदर्भातील माहिती अग्निशमन विभागाचे अधिकारी तुषार ढाके यांनी पत्रकारांशी बोलताना दिली आहे.