धुळे : मराठा आरक्षणासाठी लढा सुरु आहे. आरक्षणासाठी लढा देत असलेल्या मनोज जरांगे पाटील यांच्या भूमिकेला राज्यभरातून (Maratha Aarkshan) समर्थन दिले जात आहे. जरांगे पाटील यांच्या भूमिकेला समर्थन देण्यासाठी (Dhule) धुळ्यात सकल मराठा समाजाच्या वतीने फॉर्म भरो मोहीम सुरू करण्यात आली आहे. याला प्रतिसाद देखील मिळत आहे. (Latest Marathi News)

मनोज जरांगे पाटील (Manoj Jarange Patil) यांच्यातर्फे मराठा समाजाला आरक्षण मिळावे, यासाठी गेल्या कित्येक महिन्यांपासून आंदोलन करण्यात येत आहे. त्याचबरोबर मनोज जरांगे पाटील यांच्या मागणीला पाठिंबा देण्यासाठी व जरांगे पाटील यांनी सगेसोयरे संदर्भात मांडलेल्या भूमिकेला समर्थन देण्यासाठी धुळ्यात (Maratha Reservation) सकल मराठा समाजाच्या वतीने मराठा बांधवांतर्फे फॉर्म भरण्याची मोहीम हाती घेण्यात आली आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

धुळे शहरातील स्वस्तिक चौक या ठिकाणी सकल मराठा समाजाच्या वतीने हे फॉर्म मराठा समाजाच्या समाज बांधवांतर्फे भरून घेण्यात येत आहेत. या फॉर्मच्या माध्यमातून मनोज जरांगे पाटील यांनी मांडलेल्या सगेसोयऱ्या संदर्भातील भूमिकेला आमचे समर्थन असल्याची भूमिका स्पष्ट होणार आहे. या मोहिमेला मराठा बांधवांतर्फे उत्स्फूर्त असा प्रतिसाद दिला जात असून, मराठा समाजाच्या समाज बांधवांतर्फे हे फॉर्म भरून घेण्यात येत आहेत.