धुळे : मंत्री नवाब मलिक यांनी देवेंद्र फडणवीस त्यांच्या नेतृत्वाखाली राज्यामध्ये सर्व ड्रग्सप्रकरण सुरू असल्याचा आरोप लावला होता. यावर मंत्री यशोमती ठाकूर यांनी मंत्री नवाब मलिक यांची पाठराखण करीत नवाब मलिक हे जबाबदार मंत्री आहेत. ते अभ्यासू असून कुठल्याही पुराव्याशिवाय एवढा मोठा आरोप करणार नसल्‍याचे म्हणत मंत्री नवाब मलिक यांच्या पाठीशी महाविकास आघाडी असल्याचे स्पष्ट केले आहे. (dhule-news-Support-of-Nawab-Malik's-speech-by-Yashomati-Thakur)

राज्‍याच्‍या महिला व बालकल्याण मंत्री यशोमती ठाकूर आज धुळे दौऱ्यावर आहेत. यावेळी त्‍यांनी माध्‍यमांशी संवाद साधताना राज्‍यातील सध्‍याच्‍या वातावरणाबाबत मत मांडले. यात प्रामुख्‍याने नवाब मलिक यांच्‍या फडणवीस यांच्‍यावर केलेल्‍या आरोपाच्‍या वक्‍तव्‍यावर मलिक यांचे समर्थन केले.

सोमय्यांना कुणी सिरीयस घेत का?

राज्यामध्ये सुरू असलेल्या ड्रग्स प्रकरणावर राजकीय वर्तुळामधून रोजच नवनवीन दावे-प्रतिदावे केले जात असतांना भाजपचे नेते किरीट सोमय्या यांनी दिवाळीनंतर तीन मंत्र्यांचे तसेच तीन मंत्र्यांच्या जावयांचे प्रकरण उघडकीस आणणार असल्याच्या वक्तव्यावर मंत्री यशोमती ठाकूर यांनी बोलताना किरीट सोमय्या यांना कुणी सिरीयस घेत का? काहींना अशा प्रकारची सवयच असते असे म्हणत किरीट सोमय्या यांच्या वक्तव्याचा समाचार घेतला आहे.