धुळे : सेवानिवृत्‍तीनंतर ग्रेड पे मिळावे; याकडे धुळे महानगरपालिका (Dhule Corporation) प्रशासनाचे लक्ष वेधण्यासाठी सेवानिवृत्त कर्मचाऱ्यांनी उपोषणाला सुरवात केली आहे. आजपासून सदरचे कर्मचारी उपोषणाला बसले आहेत. (Letest Marathi News)

ग्रेड पे दुरुस्त करून मिळावी; या मागणीसाठी धुळे महापालिकेच्या सेवानिवृत्त झालेल्या कर्मचाऱ्यांनी गेल्या कित्येक महिन्यांपासून धुळे (Dhule) महापालिका प्रशासनाकडे निवेदन दिले आहेत. परंतु, या मागणीकडे पालिका प्रशासनातर्फे सर्रासपणे दुर्लक्ष केले. यामुळे अखेर सेवानिवृत्त महापालिका कर्मचाऱ्यांनी उपोषणाचे हत्यार उपसले आहे.

ग्रेड पे चुकीच्या पद्धतीने तयार करण्यात आल्याने या सेवानिवृत्त महानगरपालिका कर्मचाऱ्यांना पेन्शनमध्ये मोठ्या प्रमाणात फटका बसत आहे. या कर्मचाऱ्यांनी महानगरपालिका प्रशासनाकडे ही मागणी केली असून, अखेर प्रशासनाच लक्ष वेधण्यासाठी या कर्मचाऱ्यांनी जिल्हाधिकारी कार्यालयाच्या परिसरात असलेल्या क्यूमाईन क्लब या ठिकाणी आमरण उपोषणाला सुरुवात केली आहे.