धुळे : गेल्या चार ते पाच महिन्यांपासून राज्य शासनामध्ये एसटी महामंडळाचे विलगीकरण करण्यात यावे; या मागणीसाठी धुळे जिल्ह्यातील एसटी कर्मचारी आंदोलनावर ठाम होते. परंतु न्यायालयाने आंदोलक एसटी कर्मचाऱ्यांना कामावर रुजू होण्याचे आदेश दिल्यानंतर धुळ्यातील (Dhule) आंदोलक एसटी कर्मचारी अद्यापही कामावर रुजू झालेले नाही. (dhule news st strike employee did not return after the court order)

एसटी कर्मचाऱ्यांच्या या आंदोलनाला न्याय मिळवून देण्याचा प्रयत्न करणारे ॲड. सदावर्ते जोपर्यंत आंदोलक एसटी कर्मचाऱ्यांना (St Strike) कामावर रुजू होण्यासंदर्भात आपली भूमिका स्पष्ट करत नाही, तोपर्यंत कामावर रुजू न होण्याचा निर्णय आंदोलक एसटी कर्मचाऱ्यांनी घेतल्याचे बघावयास मिळत आहे. न्यायालयाने दिलेल्या आदेशाची प्रत मिळाल्यानंतर सदावर्ते आझाद मैदानावर जमलेल्या आंदोलक एसटी कर्मचाऱ्यांना आंदोलनाची पुढील रूपरेषा सांगणार आहेत. त्यामुळे संपूर्ण आंदोलक एसटी कर्मचाऱ्यांचे लक्ष आता ऍडव्होकेट सदावर्ते यांच्या भूमिकेकडे लागून राहिले आहेत.