धुळे : चपला व ओढणी पुलावरच काढून ठेवत उडी मारून तरुणीने आत्महत्या केली. या धक्कादायक घटनेचा सर्व थरार पुलावर असलेल्या (Dhule News) काही जणांनी मोबाईलमध्ये चित्रित केला. उडी मारल्यानंतर देखील ही तरुणी बराच वेळ आपला प्राण वाचवण्याचा प्रयत्न करत असल्याचे या व्हिडिओतून दिसून येत आहे. (Maharashtra News)

शिरपूर (Shirpur) येथील सावळदे (Tapi River) तापी पुलावरून तीस वर्षीय विवाहित तरुणीने आत्‍महत्‍या केली. संबंधित तरुणीची ओळख पटली असून ही तरुणी शिंदखेडा (Shindkheda) तालुक्यातील हातनुर येथील असून या तरुणीने टोकाची भूमिका का घेतली याचं कारण अद्याप समजू शकले नाही. तरुणीचा मृतदेह प्रशासनातर्फे शोधण्यात आला. परंतु अद्यापही या तरुणीचा मृतदेह मिळू शकला नाही.

व्हिडिओ केला वाचविण्यासाठी गेले नाही

बघ्यांपैकी कोणीही या तरुणीला वाजवण्याचा प्रयत्न देखील केला नाही. फक्त पुलावरून तिला सूचना देण्यात व व्हिडिओ काढण्यातच धन्यता मानली. तिला सूचना देण्याऐवजी व व्हिडिओ काढण्याऐवजी तिचे प्राण वाचविण्यासाठी बघ्यांपैकी कोणी सरसवले असते तर तरुणीचे प्राण वाचू शकले असते. परंतु बघणाऱ्यांपैकी कोणीही तिला वाचवण्याचा कुठल्याही प्रकारचा प्रयत्न केला नाही.