धुळे : शहरामध्ये सध्या स्क्रॅप रिक्षांचा वापर मोठ्या प्रमाणात होत आहे. यामुळे धुळे शहर वाहतूक नियंत्रण विभागाच्यावतीने स्‍क्रॅप रिक्षांवर कारवाईचा बडगा सुरू केला आहे. (dhule news Scrap rickshaw on the road Action by traffic police)

धुळे (Dhule) शहरात स्क्रॅप झालेल्या रिक्षा पुन्हा रस्त्यावर धावू लागल्या आहेत. या स्क्रॅप रीक्षांचे चेसी नंबर खोडून त्याठिकाणी दुसरा चेसी नंबर टाकून सर्रासपणे रिक्षांचा वापर धुळे शहराच्या रस्त्यांवर करण्यात येत असून याविरोधात वाहतूक पोलिसांतर्फे (Traffic Police) आता कारवाईला सुरुवात करण्यात आली आहे.

कागदपत्र सोबत असणे आवश्‍यक

शहरात विविध ठिकाणी वाहतूक पोलिसांतर्फे अशा रिक्षांवर नजर ठेवली जात आहे. तसेच धुळे शहर वाहतूक नियंत्रण (Dhule Traffic Police) विभाग पोलीस निरीक्षक धीरज प्रकाश महाजन यांनी रिक्षाचालकांना आवाहन केले आहे, की सर्व रिक्षा मालकांनी व चालकांनी रिक्षाचे सर्व कागदपत्र अद्यावत करून घ्यावे. तसेच आपला परवाना असेल किंवा रीक्षा संदर्भातील सर्व कागदपत्र अद्ययावत करून आपल्यासोबत ते सर्व कागदपत्र ठेवण्याचे देखील आवाहन केले आहे.