धुळे : धुळे शहरातील आझाद नगर पोलीस ठाण्याच्या हद्दीमध्ये असलेल्या माधव कॉलनी परिसरामध्ये (Dhule News) व्यापाराचे पैसे कर्मचारी सोबत घेऊन जात होता. या दरम्‍यान चौघ्या चोरट्यांनी दुचाकीवरून येत संबंधित कर्मचाऱ्याच्या डोळ्यात मिरचीची पूड टाकली. यानंतर त्याच्याजवळ असलेले 23 लाख 50 हजार रुपये लांबवल्याची (Robbery) घटना उघडकीस आली आहे. (Breaking Marathi News)

धुळे (Dhule) शहरात घडलेल्‍या या घटनेची माहिती मिळताच आझादनगर पोलिसांनी घटनास्थळी तात्काळ धाव घेतली. परिसरातील (CCTV) सीसीटीव्ही फुटेज त्याचबरोबर इतर तपास यंत्रणांच्या माध्यमातून पोलिसांनी तात्काळ या चोरीचा तपास सुरू केला. आझाद नगर पोलीस ठाण्यात या संदर्भात गुन्हा दाखल करण्यात आला आहे, चोरट्यांनी अशा प्रकारे व्यापाऱ्याचे पैसे लांबवल्याची बातमी परिसरात पसरतात एकच खळबळ उडाली आहे.

घरी जात असताना घडला प्रकार

माधव कॉलनीत परेश पटेल या व्यापाऱ्याच्या डोळ्यात मिरची पूड फेकून २४ लाख रुपये लुटल्याची घटना घडली. शनिवारी रात्री साडेनऊच्या दरम्यान व्यापारी श्री. पटेल घरी जात असताना समोरून आलेल्या चौघांनी डोळ्यात मिरची पूड फेकून जवळील २४ लाख रुपये लुटले. हे पैसे कपाशी विक्रीतील हवाल्याचे असल्याचे कळते.