धुळे : अपहरण करून पळविलेल्या तरुणाची सुटका केली आहे. यानंतर धुळे तालुका पोलिसांनी (Police) तिघा अपहरणकर्त्यांचा शोध घेत ताब्‍यात घेतले आहे. (Live Marathi News)

राजस्थान येथील 21 वर्षीय तरुणाला मध्यप्रदेश (Madhya Pradesh) येथील तिघा जणांनी काही कारणास्तव अपहरण करून नेले होते. या संदर्भात धुळे तालुका पोलीस ठाण्यात तक्रार देखील नोंदविण्यात आलेली होती. तक्रारीच्या अनुषंगाने (Dhule News) धुळे तालुका पोलिसांनी तपासाची चक्रे फिरवली असता अपहरण झालेल्या तरुणाची सुटका करत तिघा अपहरण कर्त्यांच्या धुळे तालुका पोलिसांनी मुसक्या आवळल्या आहेत.

दोन दिवसांची पोलिस कोठडी

मध्य प्रदेश येथील मुरेना ग्वाल्हेर या ठिकाणी या तिघाही अपहरणकर्त्यांनी या तरुणाला जबरीने वाहनात कोंबून नेले होते. तालुका पोलिसांनी अचूक लोकेशन ट्रेस करत या तिघाही अपहरणकर्त्यांच्या मुसक्या आवळल्या आहेत. या तिघाही आरोपींना न्यायालयात पोलिसांनी हजर केले असता त्यांना दोन दिवसांची पोलीस कोठडी न्यायालयाने सुनावली असून पुढील तपास धुळे तालुका पोलीस करीत आहेत.