धुळे : राज्याचे अल्पसंख्यांक मंत्री नवाब मलिक यांच्यावर ईडीने केलेल्या कारवाईचा धुळे शहरासह जिल्ह्यातून राष्ट्रवादी काँग्रेस आणि अल्पसंख्यांक समाज संघटनेकडून निषेध व्यक्त करण्यात आला. (dhule news Protest against the arrest of Nawab Malik)

राष्ट्रवादी काँग्रेसचे (NCP) अल्पसंख्यांक शाखेचे प्रदेशाध्यक्ष महम्मद खान यांच्या निर्देशानुसार येथील पदाधिकारी व कार्यकर्त्यांनी केंद्र सरकारच्या विरोधात घोषणाबाजी करत येथे निषेध आंदोलनातून मंत्री मलिक (Nawab Malik) यांच्यावरील कारवाईवर तीव्र संताप व्यक्त केला. भाजपप्रणीत केंद्र सरकार हे राज्यातील महाविकास आघाडी (MahaVikas Aaghadi) सरकारमधील मंत्र्यांवर सूड उगवण्यासाठी ईडीचा वापर करीत आहे.

खोटे गुन्‍हे दाखल करून अडचणीत आणण्याचा प्रयत्न

महाविकास आघाडी सरकारच्या मंत्र्यांवर खोटे गुन्हे दाखल करून त्यांना अडचणीत आणण्याचा प्रयत्न करीत आहे. दबावतंत्राचा वापर करीत (Dhule News) राज्यातील सत्ता घालविण्याचे केंद्राचे कटकारस्थान असल्याचा आरोप आंदोलकांनी केला. यासंदर्भात निषेध करत या राष्ट्रवादी काँग्रेस पक्षाच्या पदाधिकारी व कार्यकर्त्यांनी केंद्र सरकार विरोधात घोषणाबाजी करून तीव्र संताप व्यक्त केला आहे. पोलीस प्रशासनातर्फे कार्यकर्त्यांतर्फे आंदोलनादरम्यान कुठलाही अनुचित प्रकार होऊ नये यासाठी ताब्यात घेऊन सोडण्यात आले आहे.