धुळे : साक्री मतदारसंघातील अपक्ष आमदार मंजुळा गावित यांनी गुवाहाटी येथे जाऊन मंत्री एकनाथ शिंदे यांना पाठिंबा दिला आहे. यानंतर आमदार मंजुळा गावित (Manjula Gavit) यांच्या धुळ्यातील निवासस्थानाबाहेर पोलीस (Police) प्रशासनाचा बंदोबस्त वाढवण्यात आला आहे. (dhule news Police escort MLA Manjula Gavit residence)

राज्‍यात सुरू असलेल्‍या राजकीय उलथापालथीमध्‍ये मंत्री एकनाथ शिंदे (Eknath Shinde) यांच्‍या गटाकडे राज्‍यातील अनेक आमदार गेले आहेत. यात अपक्ष आमदार मंजुळा गावित यांचा देखील समावेश आहे. यामुळे सकाळी धुळ्यामध्ये (Dhule) शिवसैनिकांनी बंडखोर शिवसैनिक आमदारांच्या निषेधार्थ आक्रमक होत निषेध आंदोलन केले होते. याच पार्श्वभूमीवर आमदार मंजुळा गावित यांच्या निवासस्थानाबाहेर कुठल्याही प्रकारचा अनुचित प्रकार घडू नये यासाठी पोलीस बंदोबस्त तैनात करण्यात आला आहे.