धुळे : साक्री तालुक्यातील पिंपळनेर पोलिसांनी अवैधरित्या दारूची साठवणूक करून इतर राज्यांमध्ये त्याची चोरटी विक्री करणाऱ्या टोळीतील दोघांसह दारूचा लाखोंचा मुद्देमाल हस्तगत करीत मुसक्या आवळल्या आहेत. (dhule news police action Storage of liquor sniffing of smugglers)

पिंपळनेर पोलिस (Police) ठाण्याच्या हद्दीत असलेल्या धामनदर या परिसरात मोठ्या प्रमाणात दारूची साठवणूक होती. शिवाय त्याची इतर राज्यांमध्ये अवैधरित्या वाहतूक करून चोरटी विक्री केली जात असल्याची माहिती गुप्त माहिती दारा मार्फत पिंपळनेर पोलीस (Pimpalner Police) ठाण्याच्या पोलिस अधिकाऱ्यांना मिळाली होती.

अठरा लाखाचा मुद्देमाल जप्‍त

माहितीच्या आधारे पिंपळनेर पोलीस अधिकारी व कर्मचाऱ्यांनी माहिती मिळालेल्या ठिकाणी छापा टाकला असता तेथे मोठ्या प्रमाणात दारूचा साठा पोलिसांना आढळून आला. यासंदर्भात पोलिसांनी एका स्कार्पिओ कारसह दोघांच्या मुसक्या देखील आवळल्या आहेत. या कारवाई दरम्यान पोलिसांनी जवळपास अठरा लाखाहून अधिकचा मुद्देमाल हस्तगत केला आहे.