धुळे : धुळे शहरातील चाळीसगाव रोड चौफुली पोलीस ठाण्याच्या हद्दीमध्ये एक इसम सोबत गावठी (Dhule News) कट्टा बाळगून परिसरात दहशत पसरवीत असल्याची माहिती पोलिसांना (Police) मिळाली. या माहितीच्‍या आधारे स्थानिक गुन्हे अन्वेषण विभागाच्या पथकाने संबंधीतास ताब्‍यात घेतले. (Breaking Marathi News)

धुळे शहरातील हाजीनगरातील इसम होता. स्थानिक गुन्हे अन्वेषण विभागाच्या पथकाने चाळीसगाव रोड चौफुली परिसरात संबंधिताची अंगझडती घेतली असता, त्या ठिकाणी त्याच्या कमरेस गावठी कट्टा आढळून आला. त्यामध्ये एक जिवंत कारतूस देखील असल्याचे आढळून आले आहे.

परवाना नाही

सदर इसमास परवाना संदर्भात विचारणा करण्यात आली. परंतु, आपल्याकडे परवाना नसल्याचे संबंधित इसमाणे पोलिसांना स्पष्ट केले. पोलिसांनी या कारवाईदरम्यान जवळपास २६ हजार रुपयांचा मुद्देमाल हस्तगत केला असून, चाळीसगाव रोड पोलीस ठाण्यामध्ये या इसमा विरोधामध्ये गुन्हा दाखल करण्यात आला आहे.