धुळे : जिल्ह्यातील शिरपूर तालुक्यामध्ये असलेल्या महाराष्ट्र आणि मध्यप्रदेशच्या सीमावर्ती भागातील बिजासन परिसरामध्ये बिजासनी माता मंदिराच्या शेजारी असलेल्या गो शाळेबाहेर बिबट्याचा सर्रासपणे वावर असून या ठिकाणी बहुतांश वेळा बिबट्याचे (Leopard) दर्शन परिसरातील नागरिकांना झाले आहे. (dhule news Leopard roaming in Bijasan area Captured on CCTV camera)

बिजासनी माता मंदिर परिसरा (Bijasan Ghat) असलेल्‍या गोशाळेच्या बाहेर बिबट्या नेहमीच जनावरांवर दबा धरून बसलेला असताना परिसरातील नागरिकांच्या निदर्शनास आले आहे. या गोशाळेच्या आत लावलेल्या सीसीटीव्ही कॅमेरामध्ये या बिबट्याच्या हालचाली कैद झाल्या आहेत. यामुळे वन विभागाने याकडे तात्काळ गांभीर्याने लक्ष देत या बिबट्याचा बंदोबस्त करावा अशी मागणी परिसरातील नागरिकांतर्फे करण्यात येत आहे.