धुळे : पोलिसांना मिळालेल्‍या माहितीवरून हॉटेलमध्‍ये तपासणी केली. यात पोलिसांना पाच तलवारी आढळून आल्‍या आहे. या तलवारी जप्‍त करत संबंधीतावर गुन्‍हा (Crime) दाखल केला आहे. (Letest Marathi News)

दोंडाईचा– नंदुरबार (Nandurbar) रस्त्यावर असलेल्या धावडे गावाजवळील हॉटेलमध्ये तलवारी लपवून ठेवल्या होत्‍या. याबाबत गुप्त बातमीदारामार्फत दोंडाईचा पोलिसांना (police) माहिती मिळाली होती. या माहितीच्या आधारे दोंडाईचा पोलिसांनी संबंधित हॉटेलमध्ये छापा टाकला असता या छापे दरम्यान जवळपास पाच तलवारी पोलिसांना आढळून आल्या आहेत.

पोलिसांनी या पाचही तलवारी जप्त केल्या असून संबंधितावर दोंडाईचा पोलीस ठाण्यामध्ये गुन्हा दाखल करण्यात आला आहे. तसेच या तलवारी कुठल्या घातपाताच्या उद्देशाने ठेवण्यात आल्या होत्या का? याचा देखील पुढील तपास आता दोंडाईचा पोलीस करीत आहेत.