धुळे : दुचाकी वाहनावर फॅन्सी नंबर प्लेट व मॉडीफाय सायलेन्सर बसवून फटाक्यांचा आवाज करणाऱ्या बुलेट धारकांविरोधात वाहतूक पोलिसांचा कारवाईचा बडगा उचलला आहे. (dhule-news-Firecracker-Bullets-Fancy-Number-Plate-bike-Dhule-police-action)

वाहतूकीच्या नियमांचे उल्लंघन करीत दुचाकी वाहनावर फॅन्सी नंबर प्लेट बसविलेली असते. असे दुचाकी धारक त्याचबरोबर बुलेटची ओरिजनल सायलेन्सर काढून त्या ठिकाणी मॉडीफाय सायलेन्सर बसवून मोठ्या प्रमाणात फटाक्यांचा आवाज करणाऱ्या बुलेट धारकांवर धुळे शहर वाहतूक विभागाच्यावतीने कारवाईचा बडगा उगारण्यात येत आहे.

शिस्‍त लावण्यासाठी कारवाई

धुळे शहरातील संतोषी माता चौक परिसरामध्ये धुळे शहर वाहतूक विभागाच्यावतीने कारवाई करण्यात येत आहे. बेशिस्त वाहनधारकांना शिस्त लावण्यासाठी ही कारवाई करण्यात येत असल्याचे धुळे शहर वाहतूक नियंत्रण विभागाचे पोलीस निरीक्षक धीरज महाजन यांनी स्पष्ट केले आहे.