धुळे : महिलांनी कुठल्याही क्षेत्रामध्ये आपल्याला कमी समजू नये. महिलांना स्वतःच्या पायावर भक्कमपणे उभे राहण्यासाठी मनसेच्या वतीने हा प्रयत्न करण्यात आला असल्याचे आयोजकांतर्फे स्पष्ट (Dhule) करण्यात आले आहे. तसेच महिलांवर होणारे अत्याचार रोखण्यासाठी देखील प्रयत्न केले जाणार असल्याचे (MNS) मनसेच्या पदाधिकाऱ्यांतर्फे जमलेल्या महिलांना स्पष्ट करण्यात आले आहे. (Dhule MNS News)

महिलांचे सक्षमीकरण करण्याच्या हेतूने धुळ्यात महाराष्ट्र नवनिर्माण सेनेच्या वतीने महिला रोजगार व स्वयंरोजगार प्रशिक्षण मेळाव्याचे आयोजन करण्यात आले होते. यावेळी महिलांना दुलई शिवण्यासंदर्भात मोफत प्रशिक्षण देण्यात आले आहे. त्याचबरोबर या महिलांनी बनविलेल्या दुलई या मुंबई येथील नामांकित कंपन्यांमध्ये विक्रीसाठी जाणार असल्यामुळे या प्रशिक्षणानंतर या उद्योगामध्ये जुंपलेल्या महिलांना रोजगार उपलब्ध होणार असल्यामुळे या प्रशिक्षण मेळाव्यामध्ये महिलांनी मोठ्या संख्येने आपला सहभाग नोंदविला आहे.

कोरोना काळानंतर बहुतांश नोकरदारांचे हातचे काम गेल्यामुळे बेरोजगारीची वेळ ओढवली असल्याने अशा कुटुंबीयांना दिलासा मिळावा या हेतूने या प्रशिक्षण मेळाव्याचे आयोजन करण्यात आले असल्याचे आयोजक अंतर्फे स्पष्ट करण्यात आले आहे.