धुळे : परदेशातून धुळ्यात परतलेल्या कोरोना पॉझिटीव्‍ह महिलेस दहा दिवस क्वारंटाईन ठेवले होते. यानंतर सदर महिलेला आज डिस्चार्ज देण्यात आला. (dhule-news-Discharge-of-female-doctors-from-abroad-after-ten-days)

काही दिवसांपूर्वी बाहेर देशातून धुळ्यात (Dhule) परतलेल्या महिला डॉक्टरची कोरोना (Corona) तपासणीचे अहवाल पॉझिटिव्ह आले होते. त्यानंतर आरोग्य विभागातर्फे या महिलेसह तिच्या लहान बाळाला होम क्वारंटाईन (Home Quarantine) करण्यात आले होते. या महिलेचे तपासणीचे नमुने पुण्यातील प्रयोगशाळेमध्ये देखील पाठवण्यात आले होते. त्यानंतर या महिलेला व तिच्यासोबत आलेल्या लहान बाळाला डेल्टा व्हेरीयंची लागण झाल्याचे स्पष्ट झाले होते.

संपर्कातील सर्वांची प्रकृती चांगली

जवळपास दहा दिवसांनंतर आता या महिलेला आरोग्य विभागातर्फे डिस्चार्ज देण्यात आला असून या महिलेची व तिच्या संपर्कात आलेल्या घरातील आणखी सदस्यांची प्रकृती स्थिर असल्याची देखील माहिती आरोग्य विभागातर्फे देण्यात आली आहे.