धुळे : ईपीएफ- 95 सेवा निवृत्त कामगारांच्या पेन्शन वाढी संदर्भात आज राज्यभर पेन्शन धारकांतर्फे धरणे आंदोलन सुरू आहे. त्‍यानुसार धुळ्यात (Dhule) देखील कामगार संघटना संयुक्त कृती समितीच्या माध्यमातून पेन्शन वाढीच्या मागणीकडे राज्यसरकरचे लक्ष वेधण्यासाठी पेन्शन धारकांतर्फे धरणे आंदोलन करण्यात येत आहे. (Dhule Today News)

धुळे जिल्हाधिकारी कार्यालयाच्या परिसरात असलेल्या क्युमाईन क्लब या ठिकाणी पेन्शन धारकांनी धरणे आंदोलनास सुरुवात केली आहे. यावेळी राज्य सरकारच्या दुर्लक्षित पणाच्या विरोधामध्ये घोषणाबाजी करून या पेन्शन धारकांनी राज्य सरकारचा निषेध देखील व्यक्त केला आहे.