धुळे : मुंबईतील क्रूझ ड्रग्ज पार्टी अर्थात आर्यन खानप्रकरणी पैसे उकळण्याच्या घटनेशी नाव जोडले गेलेल्या धुळे शहरातील संजय चौधरी-पाटील यांचे नाव समोर आले. सुनील पाटील यांचे संबंध राष्‍ट्रवादीच्‍या नेत्‍याशी संबंध असल्‍याचे सांगितले जात आहे. परंतु, माजी आमदार तथा राष्ट्रवादी काँग्रेसचे जेष्ठ नेते अनिल गोटे यांनी या आरोपांचे खंडन करीत उलट सुनील पाटील या इसमाचा भाजपशी संबंध असल्याचा पलटवार केला. (dhule-news-cruise-drugs-case-Sunil-Patil-connection-is-not-with-NCP-but-with-BJP-Anil-Gote-statment)

आर्यन खान प्रकरणात रोजच नवनवीन खुलासे समोर येत आहे. या प्रकरणात धुळ्यातील सुनील पाटील या इसमाचे नाव समोर आले असून या इसमाचा राष्ट्रवादी काँग्रेस पक्षाच्या मंत्र्यांशी संबंध असल्याची माहिती समोर आली असतांना यावर माजी आमदार तथा राष्ट्रवादी काँग्रेसचे जेष्ठ नेते अनिल गोटे यांनी या आरोपांचे खंडन करीत उलट सुनील पाटील या इसमाचा भाजपशी संबंध असल्याचा पलटवार केला आहे.

पैशांसाठी वानखेडेंनी सेलिब्रेटींचे प्रकरण आणले उघडकीस

समीर वानखेडे यांना धुळ्यातील गांज्या शेती संदर्भात गोटे यांनी माहिती देऊन देखील समीर वानखेडे यांनी याकडे दुर्लक्ष केले. कारण याठिकाणी गरीब शेतकऱ्यांकडून वानखेडेंना काहीच मिळाले नसते. ते फक्त सेलिब्रेटींचे प्रकरण पैशांसाठी उघडकीस आणत असल्याचा देखील आरोप गोटे यांनी समीर वानखेडे यांच्यावर लावला आहे.