धुळे : राज्‍यात सुरू असलेल्‍या घडामोडीनंतर धुळ्यात राष्ट्रवादी काँग्रेस पक्षाच्या पदाधिकाऱ्यांनी राष्ट्रवादीच्या (NCP) कार्यालयात अजित पवारांसह (Ajit Pawar) फुटीरवादी नेत्यांचे फोटो झाकले आहेत. अर्थात (Dhule) धुळे राष्‍ट्रवादी ही शरद पवार यांच्‍यासोबत असल्‍याचे चित्र यावरून स्‍पष्‍ट दिसून येत आहे. (Maharashtra News)

राज्यात झालेल्या राजकीय भूकंपानंतर राज्यात याचे पडसाद उमटत आहे. याच दरम्‍यान धुळ्यात देखील पडसाद ऊमटायला सुरुवात झाली आहे. अजित पवार यांच्याबरोबर गेलेल्या राष्ट्रवादी काँग्रेस पक्षाच्या नेत्यांच्या धुळे राष्ट्रवादी भवन येथील फोटोंना पांढरे कागद चिपकवून या फोटोंना झाकण्यात आले आहेत.

पवारांच्‍या भुमिकेचा निषेध

राष्‍ट्रवादी भवनातील रूपाली चाकणकर, छगन भुजबळ व अजित पवार तसेच हसन मुश्रीफ यांचे फोटो झाकण्यात आले आहेत. तर (Dhule NCP) राष्ट्रवादी काँग्रेस पक्षाच्या पदाधिकारी व कार्यकर्त्यांनी आपण शरद पवार यांच्या सोबतच राहणार असल्याचा ठाम निश्चय केला असल्याचे व्यक्त करत अजित पवार यांनी घेतलेल्या भूमिकेचा निषेध केला आहे.