धुळे : भाजपच्या जनआशीर्वाद यात्रेदरम्यान केंद्रीय राज्यमंत्री भारती पवार या जिल्‍ह्यातील साक्री येथे आल्‍या होत्या. येथे कार्यक्रमादरम्‍यान त्‍यांनी आदिवासी बांधवासोबत आदिवासी वाद्याच्या तालावर ठेका धरला होता. (dhule-news-central-minister-bharati-pawar-janashirwad-yatra-in-aadiwashi-dance)

भाजपची जनआशीर्वाद यात्रेदरम्यान केंद्रीय आरोग्य राज्यमंत्री खासदार डॉ. भारती पवार या धुळे जिल्ह्यातील साक्री येथे बुधवारी सायंकाळी पोहोचल्‍या. त्यांचे आदिवासी बांधवांनी आदिवासी परंपरेप्रमाणे नृत्य सादर करून स्वागत केले. यावेळी मंत्री डॉ. भारती पवार यांनी देखील या नृत्य करणाऱ्या आदिवासी बांधवांसोबत नृत्य करत आदिवासी गाण्यावर ठेका धरला. त्यावेळी नंदुरबारच्या खासदार हिना गावित यांनी देखील मंत्री डॉ. भारती पवार यांच्याबरोबर आदिवासी बांधवांसह नृत्य करीत आदिवासी संस्कृतीचे दर्शन घडविले आहे.

महत्‍त्‍वाकांक्षी योजना जनतेपर्यंत पोहचवा

मंत्री भारती पवार यांनी साक्री तालुक्यातील जनतेशी त्याचबरोबर भाजपच्या पदाधिकारी व कार्यकर्त्यांशी संवाद साधत पंतप्रधान नरेंद्र मोदी यांच्या महत्त्वाकांक्षी योजनांबद्दल तसेच ध्येयांबद्दल माहिती दिली.