धुळे : शिरपूर तालुका पोलीस ठाण्याच्या हद्दीमध्ये अतिदुर्गम भाग असलेल्या मांजनीपाडा येथे सुरु असलेली गांजाची शेती शिरपूर तालुका पोलिसांनी उध्‍वस्त करत लाखोंचा माल जप्‍त केला आहे. (dhule Cannabis cultivation devastated Millions of cannabis seized by shirpur police)

शिरपूर (Shirpur) तालुका पोलीस ठाण्याच्या हद्दीमध्ये असलेल्या मांजनीपाडा या अतिदुर्गम भागामध्ये रूमाल्या खुमान पावरा याने आपल्या शेतात सर्रासपणे गांजाची (Cannabis) शेती केली होती. याबाबतची माहिती शिरपूर तालुका पोलिसांना गुप्त माहितीदारा मार्फत मिळाली होती. माहितीच्या अनुषंगाने शिरपूर तालुका पोलिसांनी संबंधित ठिकाणी अत्यंत शिताफीने छापा टाकला असता या ठिकाणी मोठ्या प्रमाणावर गांजाची शेती पोलिसांना (Police) आढळून आली आहे.

६५ किलो गांजा जप्‍त

पोलिसांनी गांजाची शेती उद्ध्वस्त करीत जवळपास ६५ किलो ५८० ग्रॅम गांजा जप्त केला आहे. ज्याची बाजारामध्ये किंमत लाखोंच्या घरामध्ये मानली जात आहे. या कारवाईची भनक लागल्याने शेतमालक रूमाल्या खुमान पावरा हा पसार झाला असून त्याचा शोध धुळे तालुका पोलिस घेत आहेत.