धुळे : राज्य परिवहन महामंडळाच्या येथील बस चालकाने गुजरातमधील उधना बसस्थानकात एसटी बसमध्येच (St Bus) गळफास लावून आत्महत्या केली. या घटनेमुळे एकच खळबळ उडाली. (Breaking Marathi News)

नगावबारी (धुळे) येथील नवीन पाटील (वय ४५) असे आत्महत्या केलेल्या बस चालकाचे नाव आहे. शनिवारी (१२ नोव्‍हेंबर) त्यांना सुरत (Surat) येथे ड्युटी होती. त्यानुसार ते धुळे आगारातून धुळे- सुरत बस घेऊन गेले होते. तेथे पोहोचल्यानंतर त्यांनी रात्री सहकाऱ्यांसोबत जेवण केले. त्यानंतर मात्र त्यांनी मध्यरात्रीच्या सुमारास धुळे- सुरत या बसमध्येच मध्यभागी असलेल्या नळीला दोरी बांधत गळफास घेतला. या घटनेने सर्वांनाच धक्का बसला.

आत्‍महत्‍येचे कारण अस्‍पष्‍ट

बसचालक पाटील यांनी आत्महत्या का केली याचे कारण समजू शकले नाही. घटनेनंतर गुजरात परिवहन महामंडळाच्या प्रशासनाने पोलिसांच्या मदतीने मृत बस चालक पाटील यांचा मृतदेह खाली उतरविला. शवविच्छेदन करून कायदेशीर प्रक्रियेनंतर मृतदेह धुळ्याला पाठवण्यात येणार असल्याची माहिती मिळाली.