धुळे : आज शिवसेनाप्रमुख स्वर्गीय बाळासाहेब ठाकरे यांची जयंती असून शिवसैनिकांकडून वेगवेगळ्या पद्धतीने त्यांना अभिवादन करण्यात येत आहे. परंतु धुळे जिल्ह्यातील साक्री तालुक्यामधल्या विटाई येथील युवती सेनेच्या पल्लवी खैरनार या नवरीने आज लग्नाआधी बोहल्यावर चढण्यापूर्वी शिवसेनाप्रमुख बाळासाहेब ठाकरे (Balasaheb Thackeray) यांच्या पुण्यतिथीनिमित्त त्यांच्या प्रतिमेस व शिवाजी महाराजांच्या (Chhatrapati Shivaji Maharaj) प्रतिमेस पुष्पहार अर्पण करून अभिवादन केले आहे. (dhule news bridegroom visited Chhatrapati Shivaji Maharaj and Balasaheb Thackeray as deities)

लग्न मंडपात प्रवेश करण्यापूर्वी नवरीमुलीतर्फे आधी कुलदैवताचे दर्शन घेतले जाते. त्यानंतरच नवरी मुलगीही लग्न मंडपात प्रवेश करत असते. परंतु साक्री (Sakri) तालुक्यातील पल्लवी खैरनार या युवती सेनेच्या युवतीचे आज लग्न होते. या युवतीने शिवसेनाप्रमुख बाळासाहेब ठाकरे यांच्या पुण्यतिथी निमित्ताने कुलदैवत म्हणून बाळासाहेब ठाकरे व छत्रपती शिवाजी महाराज यांच्या प्रतिमेस पुष्पहार अर्पण करून अभिवादन केले आहे. पल्लवी खैरनार या युवतीचे कुलदैवत दर्शन सध्या संपूर्ण धुळे (Dhule) जिल्ह्यामध्ये चर्चेचा विषय ठरले आहे.