धुळे : उन्‍हाळ्याचे दिवस असताना वारंवार विज पुरवठा खंडीत होत आहे. नागरीकांना होत असलेल्‍या कारभाराविरोधात (Dhule News) धुळ्यात उद्धव ठाकरे शिवसैनिक आक्रमक झाले. (Mahavitaran) महावितरणवर धडक देत आंदोलन केले. तसेच रास्‍ता रोको आंदोलन देखील केले. (Tajya Batmya)

वीज वितरण विभागाच्या गलथान कारभारा विरोधात धुळ्यात उद्धव ठाकरे शिवसैनिक आक्रमक झाल्याचे बघावयास मिळाले. भर उन्हाळ्यामध्ये वीज पुरवठा वारंवार खंडित होत असल्यामुळे नागरिकांना प्रचंड गर्मीचा सामना करावा लागत आहे. याबाबत शिवसेनेतर्फे वीज वितरण विभागाच्या अधिकाऱ्यांना जाब विचारण्यासाठी घेराव घालण्यात आला. वीज वितरण विभागाच्या अधिकाऱ्यांना घेराव घालून झाल्यानंतर या आक्रमक शिवसैनिकांनी थेट रास्ता रोको करून वीज वितरण विभागाच्या गलथान कारभाराचा निषेध केला.

वीज वितरण कार्यालयासमोरील धुळे– साक्री रोड शिवसैनिकांनी बराच वेळ अडवून धरल्याचे बघावयास मिळाले आहे. वारंवार होत असलेल्या वीज पुरवठ्याच्या खंडामुळे नागरिकांना नाहक त्रास सहन करावा लागत आहे. वीज वितरण विभागातर्फे यासंदर्भात गांभीर्याने दखल घेत वीज पुरवठा सुरळीत सुरू ठेवावा; यासाठी हे आंदोलन करण्यात आले असल्याचे शिवसेनेच्या पदाधिकाऱ्यांनी स्पष्ट केले आहे. या रास्ता रोको दरम्यान मोठ्या प्रमाणात वाहतुकीचा खोळंबा झाल्याचे देखील बघावयास मिळाले आहे.