धुळे : राज्‍यातील अनेक भागात पावसाने हाहाकार माजविला होता. यात अनेकांचे संसार उध्‍वस्‍त झाले. या पुरग्रस्‍तांना राज्‍यभरातून मदतीचा हात दिला जात आहे. याच अनुषंगाने पुरग्रस्‍तांना धुळ्यातून मदत रवाना झाली आहे. (dhule-news-Assistance-sent-to-flood-affected-citizens-from-Dhule)

राज्यात बहुतांश ठिकाणी पुरामुळे नागरिकांची खूपच दयनीय अवस्था झाली आहे. पुराचा फटका बसल्यामुळे बहुतांश संसार हे उघड्यावर आले असून सध्या त्यांच्या खाण्यापिण्यापासून सर्वच गोष्टींची पंचायत झाली आहे. यामुळे पूरग्रस्त भागातील नागरिकांचे फारच हाल होत आहेत.

गहू, तांदूळ, कपडे रवाना

पूरग्रस्त भागातील नागरिकांना दिलासा देण्यासाठी धुळे, नंदुरबार त्याचबरोबर जळगाव या तीनही जिल्ह्यातून पुरग्रस्तांना टायगर ग्रुपतर्फे मदतीचा हात पुढे करण्यात आला आहे. धुळ्याहून पूरग्रस्त नागरिकांना ४० टन गहू, ३० टन तांदूळ, २०० जोड चपला, १२५० महिला– लहान बालके त्याचबरोबर पुरुषांसाठी अंगावरची नवी वस्त्र पाठविण्यात आली आहे. ही मदत वाहनांमध्ये रात्री धुळ्याहून रवाना झाली असून टायगर ग्रुपच्या समाजसेवक बांधवांच्या हस्ते पूरग्रस्त ठिकाणी गरजूंना त्याचे वाटप करण्यात येणार आहे.