धुळे : आदिवासी समाजाच्या द्रौपदी मुर्मू यांचा राष्ट्रपती पदासाठी निवड झाल्यानंतर धुळे जिल्ह्यातील साक्री तालुक्यामध्ये आदिवासी बांधवांनी (Dhule News) जल्‍लोष केला. आदिवासी परंपरेनुसार वाद्य वाजवून द्रोपदी मुर्मु यांचा विजयाचा जल्लोष साजरा केला आहे. (Dhule News Draupadi Murmu)

आदिवासी बचाव अभियान साक्री (Sakri) संघटनेतर्फे ढोल वाजवून आदिवासी बांधवांनी हा विजयी जल्लोष केला आहे. आदिवासी समाजाला विकासाच्या प्रवाहात पुन्हा आणण्यासाठी हा विजय महत्त्वाचा ठरणार असल्यामुळे आदिवासी बांधवांमध्ये एक नवी चेतना निर्माण झाली असल्याचे या जल्लोषातून दिसून येत आहे.