धुळे : मंदिर खुले करण्याबाबत घेण्यात आलेल्‍या निर्णयानुसार पाचवे शक्तीपीठ एकवीरा देवीचे मंदिर भाविकांना दर्शनासाठी खुले करण्यात आले. यामुळे भाविकांनी सकाळपासूनच दर्शनासाठी रीघ लावल्याचे दिसून येत आहे. (dhule-news-after-corona-open-ekveera-devi-tample-and-crowd-darshan)

गेल्या दीड वर्षांपासून कोरोनाच्या पार्श्वभूमीवर भाविकांना दर्शनासाठी मंदिर बंद ठेवण्याचा निर्णय राज्य शासनातर्फे घेण्यात आला होता. परंतु कोरोनाचा प्रादुर्भाव कमी झाल्यानंतर आता राज्य शासनातर्फे मंदिर भाविकांना दर्शनासाठी खुले करण्यात आले आहे. घटस्‍थापनेच्‍या दिवशी मातेचे प्रत्‍यक्ष दर्शन घेता येत असल्‍याने भाविकांचा आनंदाचा पारावार राहिला नाही.

खानदेशवासीयांचे श्रद्धास्‍थान

मंदिर दर्शनार्थ खुले झाल्‍याने सर्वच मंदिरांवर भाविकांची गर्दी झाली. यातच पाचवे शक्तिपीठ व खानदेशवासीयांचे श्रद्धास्थान असलेल्या एकविरा देवी मंदिरामध्ये भाविकांनी सकाळपासूनच दर्शनासाठी रीघ लावल्याचे दिसून येत आहे.