धुळे : जिल्ह्यातील शिरपूरजवळ मध्यप्रदेशकडे जाणाऱ्या बिजासन घाटामध्ये पहाटेच्या दरम्यान वाहनावरील नियंत्रण सुटल्याने समोरील वाहनावर धडक दिल्याने अपघात (Accident) झाल्याची घटना उघडकीस आली आहे. (dhule news Accident in Bijasan Ghat truck hits out of control)

मध्यप्रदेशकडून (Madhya Pradesh) शिरपूरकडे बटाट्याने भरलेला आईसर ट्रक बिजासन घाटातून येत असताना वाहनावरील नियंत्रण सुटल्याने हा अपघात झाला आहे. या अपघातात आयशर ट्रक चा समोरील पूर्ण भाग चेपल्याने वाहनाचे मोठ्या प्रमाणात नुकसान झाले आहे.

चालक व सहकारी अडकले कॅबिनमध्‍ये

बिजासन घाटात (Bijasan Ghat) झालेल्‍या अपघातात आयसर ट्रक चालकासह चालक कॅबिनमध्ये अडकून पडले. दोघेही जण जखमी झाले आहेत. परिसरातील नागरिकांनी तात्काळ धाव घेत तसेच पोलीस (Police) प्रशासनाने देखील तात्काळ घटनास्थळी धाव घेतल्याने मोठी दुर्घटना टळली आहे. अथक प्रयत्नानंतर केबिनमध्ये अडकलेल्या दोघांनाही क्रेनच्या सहाय्याने बाहेर काढण्यात प्रशासनाला व परिसरातील नागरिकांना यश आले आहे.