धुळे : गेल्या चोवीस तासात धुळ्यात २५८ कोरोना बाधित रुग्णांची वाढ झाली आहे. दिवसेंदिवस कोरोना बाधित रुग्णांमध्ये वाढ होत असल्याने आरोग्य यंत्रणेच्या चिंतेत भर पडली आहे. यात तिसऱ्या लाटेतील (Corona Third Wave) पहिला मृत्‍यू झाला आहे. (Dhule Corona News: 258 new corona in Dhule and first death in the third wave)

धुळे (Dhule) शहरासह जिल्ह्यातील कोरोनाबाधितांचा आकडा वाढत आला आहे. परंतु दिलासादायक बाब म्‍हणजे तिसरी लाट सुरू झाल्‍यानंतर कोरोनामुळे मृत्यू (Corona Death) झालेला नव्‍हता. मात्र, सोमवारी (ता.२४) हिरे शासकीय वैद्यकीय महाविद्यालय तथा सर्वोपचार रुग्णालयात उपचारादरम्यान सडगाव येथील एका ६५ वर्षीय कोरोनाबाधित पुरुषाचा मृत्यू झाला.

आतापर्यंत ६७३ बळी

शहरासह जिल्ह्यात कोरोनाबाधितांची (Corona) संख्या वाढत आहे. सोमवारी नव्याने २५८ कोरोनाबाधितांचीही भर पडली. त्यामुळे एकूण कोरोनाबाधितांचा आकडाही ४९ हजार ३३३ वर पोहोचला. दरम्यान, सोमवारी सडगाव येथील कोरोनाबाधिताचा मृत्यू झाला. त्यामुळे जिल्ह्यातील एकूण कोरोनाबळींचा आकडा एकने पुढे सरकून तो ६७३ वर पोहोचला.