धुळे : वरूणराजाची राज्‍यातील काही भागात हाहाकार माजवला आहे. यामुळे जनजीवन पुर्णतः विस्‍कळीत झाले आहे. मात्र धुळे, नंदुरबार जिल्‍ह्यात वरूण राजाची कृपादृष्‍टी राहिली नसल्‍याने जुलै महिन्‍यानंतरही टंचाईचा सामना करावा लागत आहे. पाऊस नसल्‍याने धुळे जिल्‍ह्यातील धरणातील पाणी साठा खालावला आहे. (dhule-marathi-news-no-rain-and-dam-water-lavel-down-district)

एकीकडे राज्यात मुसळधार पाऊस सुरू असल्यामुळे नदी नाले ओसंडून वाहू लागले आहेत. तसेच राज्यातील काही ठिकाणच्या धरणांची पाणी पातळी वाढल्यामुळे धरणाचे दरवाजे देखील उघडले आहेत. परंतु धुळे जिल्ह्यात वरुण राजाने अद्यापही समाधानकारक अशी हजेरी लावलेली नाही. त्यामुळे धुळे जिल्ह्यामध्ये धरण साठ्यांमध्ये पाण्याची पातळी खालावली असल्याचे दिसून येत आहे.

तर पाणी टंचाईचा सामना

जुलै महिना संपत आला तरी अद्यापही धुळे जिल्ह्यामध्ये पावसाने समाधानकारक हजेरी लावली नसल्यामुळे धुळे जिल्ह्यात धरणांमध्ये पाणी साठा खूपच कमी प्रमाणात बघावयास मिळत आहे. त्यामुळे येत्या काही दिवसांमध्ये अशीच परिस्थिती राहिली तर धुळेकरांना प्रचंड पाणीटंचाईला सामोरे जावे लागणार आहे.