धुळे : उपोषणाला बसलेल्या वृद्ध दांपत्यापैकी ७१ वर्षीय वृद्ध आजोबांचा उपोषणादरम्यान प्रकृती खालावल्याने मृत्यू झाल्याची घटना धुळी शहरात घडली आहे. तर वृद्ध आजींची देखील प्रकृती चिंताजनक असल्याची माहिती समोर येत आहे. मुलीचे लग्न झालेले असताना देखील तिच्या नवऱ्याने दुसऱ्या महिलेशी लग्न केल्यावरून वाद सुरू होता आणि या संदर्भात प्रशासनातर्फे न्याय मिळावा या हेतूने धुळे जिल्हाधिकारी कार्यालयाच्या आवारात प्रशासनाचे लक्ष वेधण्यासाठी या वृद्ध दाम्पत्याचे उपोषण सुरु होते. (Dhule Latest News Death of a old man due to hunger strike)
उपोषणादरम्यान आजोबांचा मृत्यू झाला असून आजी देखील मृत्यूशी झुंज देत असल्याची माहिती समोर येत आहे. सुधन्वा भदाने व त्यांच्या धर्मपत्नी रंजना भदाणे हे वृद्ध दाम्पत्य गेल्या 14 तारखेपासून आपल्या मागण्यांसाठी व प्रशासनाचे लक्ष्य वेधण्यासाठी आमरण उपोषणास बसले होते. तीन दिवसांच्या उपोषणानंतर दोघांचीही प्रकृती खालावली होती.
या तीन दिवसांमध्ये प्रशासनाचा कुठलाही अधिकारी या वृद्ध दांपत्याची साधी विचारणा करण्यासाठी देखील फिरकला नसल्याचा आरोप मृत आजोबांच्या नातेवाईकांनी केला आहे. संतप्त नातेवाईकांनी संबंधित दुर्लक्ष करणाऱ्या अधिकाऱ्यांवर कारवाईची मागणी करत मृतदेह ताब्यात न घेण्याचा पवित्रा घेतला आहे. तर, आजींवर शासकीय रुग्णालयात उपचार सुरू आहेत.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.