धुळे : हत्येच्या घटनेमुळे धुळे पुन्हा एकदा हादरले आहे. तालुक्यातील नेर गावाजवळ असलेल्या उभंड- पिंपरखेड (Dhule News) येथे एकाची पिस्तूलातून गोळी झाडून तसेच चाकूने गळा चिरुन निर्घृण हत्या (Crime News) केल्याची घटना घडली आहे. (Live Marathi News)

धुळे येथील या घटनेमुळे एकच खळबळ उडाली असून घटनेची माहिती मिळताच (Police) पोलीस अधिकारी घटनास्थळी दाखल झाले. घटनास्थळी पिस्तूलचे मॅगझिन व गोळीचा भाग मिळून आला असून, यशवंतराव बागूल असे मृत तरुणाचे नाव आहे.

जमिनीच्या वादातुन हत्या

घटनेची माहिती मिळताच धुळे तालुका पोलीस तपास यंत्रणेसह घटनास्थळी रात्री दाखल झाले होते. रात्री उशिरापर्यंत या घटनेचा तपास पोलीस प्रशासनातर्फे सुरू होता. या हल्ल्यात मारेकऱ्यांमध्ये 4 ते 5 जणांचा सहभाग असल्याची शक्यता व्यक्त होत आहे. घटनास्थळाचा पंचनामा, नमुने घेण्यासह पोलीस कारवाई उशिरापर्यंत सुरु होती, जमिनीच्या वादातून हे हत्याकांड झाल्याचा प्राथमिक अंदाज व्यक्त केला जात आहे.