धुळे : शहरातील बेकायदेशीर स्मारक हटविण्याच्या मागणीवर मनपाचे माजी स्थायी समिती सभापती आक्रमक झाले आहेत. याच दरम्‍यान त्‍यांनी (Dhule Corporation) धुळे महानगरपालिका (Dhule) आयुक्तांना हटवण्याची मागणी करत थेट महानगरपालिका प्रवेशद्वारावरच ठिय्या आंदोलन केले आहे. (Breaking Marathi News)

धुळे शहरातील चाळीसगाव रोडलगत असलेल्या टिपू सुलतान चौक स्मारक हे हठविण्यात यावे; या मागणीसाठी माजी स्थायी समिती सभापती आक्रमक झाले आहेत. धुळे शहराची शांतता भंग करण्यास महापालिका आयुक्त जबाबदार असल्याचे म्हणत महानगरपालिका आयुक्तांनाच हटवण्याची मागणी यावेळी आंदोलक सुनील बैसाने यांनी आंदोलनादरम्यान केली आहे.

तसेच पक्षश्रेष्ठींकडे देखील या संदर्भात मागणी करून धुळे महानगरपालिका आयुक्तांना हटवण्याबाबत पाठपुरावा करणार असल्याचे यावेळी सुनील बैसाने यांनी स्पष्ट केले आहे. त्यांनी थेट धुळे महानगरपालिका प्रवेशद्वारावरच महानगरपालिका आयुक्तांना हटविण्याचे फलक झळकावत ठिय्या आंदोलन सुरू केले आहे. यावेळी आयुक्तांच्या विरोधामध्ये घोषणाबाजी देखील करण्यात आली आहे.