धुळे : धुळे महापालिकेचे महापौर प्रदीप करपे यांनी सोमवारी संध्याकाळी महापौर पदाचा राजीनामा दिला. सर्वोच्च न्यायालयाचा आदर राखत उर्वरित कालावधीचा आपण राजीनामा देत असल्याचे करपे यांनी राजीनामा पत्रात म्हटले आहे. (Dhule corporation news mayor pradip karpe resigns)

धुळे महानगरपालिका (Dhule Corporation) आयुक्त व नगर सचिवांकडे हा राजीनामा त्यांनी सुपूर्द केला आहे. ओबीसी आरक्षणाच्या मुद्द्यावरून सर्वोच्च न्यायालयामध्ये याचिका दाखल असून या याचिकेवर अंतिम निकाल येण्याची शक्यता आहे, धुळ्यातील महापौर पदाच्या निवडणुकीत ट्रिपल टेस्टचे पालन केले नाही; म्हणून न्यायालयात याचिका दाखल आहे. यावरून न्यायालयाचा आदर करत महापौर प्रदीप कर्पे यांनी आपला राजीनामा सुपूर्द केला आहे.