धुळे : शहरापासून जवळ असलेल्‍या जवाहर सुत गिरणीला अचानक आग लागल्‍याची घटना घडली. या आगीमध्ये जवळपास 14 ते 15 लाख रुपयांचा कापूस (Cotton) जळून खाक झाला आहे. (Dhule breaking news fires to the spinning mill Millions of cotton dust)

शहरापासून जवळ असलेल्‍या जवाहर सुत गिरणीला सकाळी अचानक आग (Fire) लागली. आगीचे कारण अद्याप अस्पष्ट असून, गिरणीत कापूस असल्‍याने आगीने लागलीच रौद्र रूप धारण केले. पाणी टाकून आग (Dhule News) विझण्याचा प्रयत्‍न केला. मात्र कापूस पेटल्‍याने आग झपाट्याने वाढली. यामुळे आगीवर नियंत्रण मिळविता आले नाही.

सुदैवाने जीवित हानी नाही

आगीच्या घटनेची माहिती मिळताच अग्निशमन विभागाचे दोन बंब तात्काळ घटनास्थळी दाखल होत आग आटोक्यात आणली. या घटनेमध्ये सुदैवाने जीवित हानी टळली आहे. मात्र लाखो रूपयांचा कापूस जळून खाक झाला आहे.