धुळे : शहरातील चाळीसगाव रोडवर भरधाव ट्रकने पुढे जाणाऱ्या दुचाकीला धडक दिल्याने दुचाकीस्वार जागीच ठार (Death) झाला, तर त्याची पत्नी जखमी झाली. हे दांपत्य गरताड (ता. धुळे) येथे अंत्ययात्रेला जात होते. (Tajya Batmya)

सातरणे (ता. धुळे) येथील किशोर दशरथ पाटील (वय ४५) हे पत्नीसह दुचाकीने आप्तेष्टाच्या अंत्ययात्रेसाठी गरताड येथे जात होते. चाळीसगाव चौफुलीच्या पुढे एका हॉटेलजवळ दुपारी भरधाव ट्रकने त्यांच्या दुचाकीला धडक (Accident News) दिली. या अपघातात किशोर पाटील यांची पत्नी रस्त्याच्या कडेला फेकली गेली, तर किशोर पाटील रस्त्यातच पडले. त्यांच्या डोक्यावरून ट्रकचे चाक गेल्याने ते जागीच गतप्राण झाले.

फरार ट्रकचालकाला नागरीकांन पकडले

अपघातानंतर ट्रकचालकाने वाहनासह पळ काढला. मात्र, काही व्यक्तींनी ट्रकला गरताडजवळ पकडले. यानंतर चालकास पोलिसांच्‍या स्‍वाधीन केल. अपघाताची पोलिसांकडे नोंद झाली.