बालाजी सुरवसे 

धाराशिव : महाराष्ट्राची कुलस्वामिनी आई तुळजाभवानी देवीच्या दर्शनासाठी सशुल्क स्पेशल दर्शन पास मोबाईवरुन काढता येण्याची सुविधा उपलब्ध करून देण्यात आली आहे. याची सुरवात २२ जुलैपासून झाली आहे. मात्र या दर्शन पासला मंदिरातील पूर्वजारी व तुळजाभवानी पुजारी मंडळाने देखील विरोध केला आहे. 

तुळजाभवानी मंदीर (Tuljabhavani Mandir) संस्थांनने भाविकांच्या सुविधेसाठी ऑनलाईन सशुल्क पासची सुविधा सुरु केली आहे. मंदिर प्रशासनाने यासाठी मोबाईल अँप तयार केले असुन यासाठी ५०० रुपये देणगी देवुन सशुल्क दर्शन पास ऑनलाईन काढता येणार आहे. मात्र असे असले (Dharashiv News) तरी याला श्री तुळजाभवानी पुजारी मंडळाने देखील विरोध केला असुन तुळजाभवानी मंदीर संस्थांन केवळ पेड आणि पेडच भक्ताचा विचार करत असल्याचे पुजारी मंडळाचे म्हणणे आहे. 

ऐकीकडे मोठ्या प्रमाणावर भाविक लाईनमध्ये दर्शन घेतात. त्याचा विचार होणे गरजेचे असुन त्यांना सर्व सोयी सुविधा दिल्या पाहिजेत. त्यामुळे गोरगरीब पैसे नाहीत म्हणून लाईनमध्ये ताटकळत उभे राहुन दर्शन घेतात. त्यामुळे आमचा या निर्णयाला विरोध असल्याची भुमीका पुजारी मंडळाचे अध्यक्ष विपिन शिंदे यांनी व्यक्त केली आहे.