बालाजी सुरवसे 

धाराशिव : दिवाळी सुट्या असल्याने अनेकजण तुळजाभवानी दर्शनासाठी गेले होते. दर्शन घेऊन भाविकांनी मंदिराच्या दानपेटीत रक्कम टाकली असून चार दिवसात तुळजाभवानी मंदीर संस्थानच्या उत्पन्नात तब्बल ७५ लाख रुपयांची भर पडली आहे. यामध्ये सर्वांधीक ५४ लाख रुपये सशुल्क तसेच व्हीआयपी दर्शनातुन मिळाले आहेत.

सण उत्सव काळात अनेकजण (Dharashiv News) देवदर्शनाला जात असतात. यात दिवाळी उत्सवाच्या सुट्या असल्याने याची संधी साधत अनेकांना देवदर्शनाला लाभ घेताना. दरम्यान दिवाळी सुट्यांच्या कालावधीत महाराष्ट्राची कुलस्वामिनी तुळजाभवानी देवीच्या (Tuljabhavani Mandir) दर्शनासाठी भाविकांनी गर्दी केली होती. लाखो भाविक या काळात तुळजाभवानीच्या दर्शनासाठी येऊन गेले आहेत. दर्शन घेण्यासोबतच काहींनी रोख रोख रक्कम स्वरूपात दान केले आहे. तर मंदिरात व्हीआयपी दर्शनाची सुविधा असल्याने त्याचे शुल्क देखील मंदिर संस्थानला प्राप्त झाले आहे. 

दरम्यान २ नोव्हेंबर ते ५ नोव्हेंबर दरम्यान सलग चार दिवस तुळजाभवानीच्या दर्शनासाठी भाविकांनी मोठी गर्दी केली होती. यामध्ये दररोज लाखावर भाविकांनी देवीचे दर्शन घेतले. तर यामध्ये ७६ लाख ५७ हजार २८२ रुपयांची भर पडली आहे. यात सर्वाधिक ५४ लाख रुपयांचे सशुल्क हे व्हीआयपी दर्शनातून मिळाले आहे. तर आगामी १० नोव्हेंबरपर्यंत तिर्थक्षेञ तुळजापूरात गर्दी राहण्याची शक्यता वर्तविली जात आहे.