बालाजी सुरवसे

धाराशिव : धाराशिव महावितरणच्या दारात सत्ताधारी शिवसेनेच्या (ShivSena) कार्यकर्त्यांचे आमरण उपोषण आंदोलन सुरू केले आहे. डोकेवाडी गावात महावितरणला (Mahavitaran) डीपीची मागणी करूनही डीपी देत नसल्याने गावकरी आक्रमक झाले असून हलगी झांज वाजवत महावितरणच्या दारात हे आंदोलन सुरू केले आहे. (Tajya Batmya)

महावितरणचे कर्मचारी हे पालकमंत्री यांनी आदेश देऊन देखील आदेश मानत नसल्याने हे आंदोलन करण्याची वेळ आली आहे. जोपर्यंत आमची मागणी मान्य करत नाही, तोपर्यंत उपोषण सुरू ठेवणार असल्याचा इशारा आंदोलकांनी दिला आहे. तर दोन दिवसात हा प्रश्न सोडवू असे आश्वासन महावितरणचे (MSEDCL) अधिकारी देत आहेत.

आंदोलनाच्‍या बॅनरवर मुख्‍यमंत्रींचा फोटो

आंदोलन करत असलेल्‍या शिवसेनेच्‍या आंदोलनकर्त्यांनी मुख्यमंत्री व पालकमंत्री यांचे बॅनरवर फोटो लावून आंदोलन सुरू केले आहे. यामुळे या आंदोलनाचे आश्चर्य व्यक्त करण्यात येत आहे.