बालाजी सुरवसे 

धाराशिव : तुळजाभवानी देवीची सिंहासन पुजा ही अत्यंत महत्वाची मानली जाते. ही सिंहासन पुजा करण्यासाठी भाविक प्रतीक्षेत असतात. दरम्यान या पूजेसाठी ऑनलाईन पध्दतीने नोंदणी आजपासून सुरु करण्यात आली आहे. संस्थांच्या संकेतस्थाळावरून हि नोंदणी करता येणार आहे. 

महाराष्ट्राची कुलस्वामीनी श्री तुळजाभवानी देवीच्या (Tuljabhavani Mandir) दर्शनासाठी महाराष्ट्रासह आंध्रप्रदेश, कर्नाटक, तेलंगना व इतर राज्यातून भाविक कुलदेवता असल्याने या ठिकाणी कुलाचार व कुलधर्म करण्यासाठी मोठ्या संख्येने येतात. वर्षभर भाविकांची गर्दी असते. दरम्यान या कालावधीत देवीच्या सिहासनाची पूजा करण्यात येत असून देवीच्या सिंहासन पूजनासाठी भाविक प्रतीक्षेत असतात. यामुळे मंदिर संस्थानने नोंदणी सुरु केली आहे. 

श्री तुळजाभवानी मंदिर संस्थानच्या अधिकृत संकेतस्थळावर नोंदणी उपलब्ध करून देण्यात आली आहे. सिंहासन पुजा नोंदणी आजपासून म्हणजे २१ नोव्हेंबर २०२४ रोजी सकाळी १० वाजता सुरू करण्यात आली असून ती २६ नोव्हेंबर २०२४ रोजी सकाळी १० वाजेपर्यंत करता येईल. त्यामुळे भाविकांनी जास्तीत जास्त लाभ घ्यावा असं आवाहन करण्यात आल आहे.