बालाजी सुरवसे 
धाराशिव : धाराशिवच्या एका तरुणाला ऑनलाईन जॉबचे आमिष दाखवून १८ लाख रुपयांची फसवणूक केल्याचा प्रकार समोर आला आहे. याप्रकरणी धाराशिव सायबर पोलिसात तक्रार करण्यात आली असून पोलिसांकडून तपस सुरु करण्यात आला आहे.

सागर राम साळुंके असे फसवणूक झालेल्या तरुणाचे नाव आहे. सागरला एका दिवशी मोबाईलवर जॉब (Dharashiv) संदर्भात मॅसेज आला. या मॅसेजनुसार टास्क पुर्ण केल्यास जास्त पैसे मिळतील. त्या संदर्भातील वेगवेगळे इकॉनॉमिक टास्क पुर्ण केल्यास जास्त पैसे मिळतील; असे आमिष दाखविण्यात आले. यानंतर समोरच्या व्यक्तीने सागर यांना वेगवेगळ्या खाते नंबर व युपीआय आयडीवर पैसे भरण्यास सांगितले. (Online Fraud) त्यानुसार सागरने १८ लाख  १४ हजार रुपये भरले.  

ऑनलाईन पद्धतीने सागरने १८ लाखाची रक्कम भरल्यानंतर देखील त्या बदल्यात सागरला त्याचा परतावा म्हणून एकही रूपया परत आला नाही. दरम्यान फसवणूक झाल्याचे लक्षात येताच सागर साळुंके यांच्या फिर्यादीवरून (Cyber Police) धाराशिव सायबर पोलिसात गुन्हा दाखल करण्यात आला आहे. यावरून पोलिसांनी आता तपस सुरु केला आहे.